| 1 | Haec est nova creatura, de qua Apostolus ad Galatas ait: In Christo enim Iesu neque circumcisio aliquid valet, neque praeputium: sed nova creatura, per quam iam renovata caro floret, et fructum invenit gratiae, quae ante inveterati flagitii spinas habebat (Gal. V, 6). |
| 2 | Quid ergo est quod moereamus, si iam ad animam dicitur: Renovabitur sicut aquilae iuventus tua (Psal. CII, 5)? Quid est quod ingemiscamus pro mortuis, cum iam reconciliatio mundi apud Deum Patrem facta sit per Dominum Iesum (II Cor. V, 18)? |